首頁 / 團體醫療 / 僱員福利
加人工留唔住嘅人，
福利有時留得住。
中小企同大公司搶人，人工未必鬥得過 — 但一份似樣嘅醫療福利，係打工仔實實在在日日用得到嘅嘢。團體醫保嘅入場門檻低過好多老闆想像，我哋陪你睇下點樣用有限預算做到最實在嘅福利。
中小企同大公司搶人，人工未必鬥得過 — 但一份似樣嘅醫療福利，係打工仔實實在在日日用得到嘅嘢。團體醫保嘅入場門檻低過好多老闆想像，我哋陪你睇下點樣用有限預算做到最實在嘅福利。
| 團體醫療保險 | 員工自己買個人醫保 | |
|---|---|---|
| 核保 | 一般免個人核保 — 喺免核保限額內，長期病患、投保前已有病症都保障得到（視乎計劃條款） | 逐個核保 — 有病史可能被加價、除外，甚至拒保 |
| 保費 | 團體議價，人均成本一般較低；僱主供款屬營運開支 | 個人價，年紀越大越貴，全數自己俾 |
| 行政 | 一張總保單管晒，出入職加減人即可 | 員工自理，離職跳槽保障跟身 |
| 對老闆嘅意義 | 招聘賣點、留人工具、員工病咗快啲醫返好快啲返工 | 同公司無關 — 亦即係話你間公司冇呢個賣點 |
市場上唔少保險公司有中小企團體計劃，好多由幾個受保成員起就承保（門檻視乎保險公司同計劃）。人少有人少嘅買法 — 呢樣正正係要格價嘅原因。
核心部分 — 病房級別（大房/半私家）、手術費表、住院現金。員工最關心嘅係「入醫院使唔使自己貼錢」。
普通科、專科、跌打物理治療 — 使用頻率最高、員工感受最深嘅一環。網絡醫生卡定實報實銷，體驗差好遠。
可選附加 — 預算有限時常見做法係管理層先加，或者做咗年資先享有，分層設計慳到錢又留到人。
好多計劃可以加團體人壽、意外，同埋俾員工自費加配偶子女 — 對有家庭嘅資深員工吸引力極大。
醫療係「而家」嘅保障，MPF 係「將來」嘅錢 — 打工仔兩樣都睇。我哋團隊本身深耕 MPF 同退休規劃（姊妹站 Save Your MPF），可以幫你一次過檢視成套僱員福利：
按你嘅人數、年齡結構同預算，由我哋持牌團隊喺市場攞返幾個報價比較。
公司 MPF 計劃嘅收費同基金選擇直接影響員工袋幾多 — 呢樣係我哋嘅本行。
幫你將成套福利寫得清清楚楚 — 請人嗰陣，呢頁紙就係你同大公司搶人嘅武器。